ಶ್ರೀ ಸದಾಶಿವ ದೇವರು (1910)
.ಶ್ರೀ ಸದಾಶಿವ ದೇವರು ಐಹೊಳೆಯ ಹುಚ್ಚಪ್ಪಯ್ಯನವರ ಮಠದ ಅಧಿಕಾರಿಗಳು. ಅವರ ಗುರುಗಳು ಸಂಗಮೇಶ್ವರ ಸ್ವಾಮಿಗಳು. ಶ್ರೀ ಸದಾಶಿವ ದೇವರು ತಮ್ಮ ಇಡಿಯ ಆಯುಷ್ಯವನ್ನು ಸಂಸ್ಥೆಯ ಸೇವೆಗೆಂದು ಮುಡುಪಾಗಿಟ್ಟು ಅದರಂತೆ ವರ್ತಿಸಿದ ಆದರ್ಶ
ಶಿವಯೋಗ ಸಾಧಕರು. ಅವರು ಬಹಳ ಮುಗ್ಧರು. ಶಿವಯೋಗ ಮಂದಿರಕ್ಕೆ ಬಂದ ಅತಿಥಿಗಳ ಯೋಗಕ್ಷೇಮವೇ ಅವರ ನಿತ್ಯ ನೇಮವಾಗಿದ್ದವು. ದಾಸೋಹದ ವ್ಯವಸ್ಥೆಯನ್ನು ಅವರೇ ನೋಡಿಕೊಳ್ಳುತ್ತಿದ್ದರು. ತುಂಬಿದ ಹೊಳೆಯಲ್ಲಿಯೂ ಈಜಿ ಮಂಗಳೂರ
ಮೊದಲಾದ ಗ್ರಾಮಗಳಿಂದ ಕಜ್ಜಾಯಗಳನ್ನು ಎತ್ತಿತರುವ ಕಾಯಕವನ್ನು ಕೈಕೊಂಡಿದ್ದರು. ಅವರು ಮಂದಿರದಲ್ಲಿಯೆ ಲಿಂಗೈಕ್ಯರಾದರು. ಅವರ ಗದ್ದುಗೆ ದಾಸೋಹದ ಮುಂದಿನ ಹೊಲದಲ್ಲಿದೆ; ಶಿವರಾತ್ರಿಯ ರಥಯಾತ್ರೆಯ ಪಾದಗಟ್ಟೆಯಾಗಿ ಪೂಜೆಗೊಂಡಿದೆ.