ಕಲಬುರ್ಗಿಯ ಶ್ರೀ ನಿ. ಪ್ರ. ಶಿವಮೂರ್ತಿ ಸ್ವಾಮಿಗಳು :(1915)
ಕಲಬುರ್ಗಿಯ ಶ್ರೀ ನಿ. ಪ್ರ. ಶಿವಮೂರ್ತಿ ಸ್ವಾಮಿಗಳು ಗದ್ದಗಿ ಮಠದ ಅಧಿಪತಿಗಳಾಗಿದ್ದಾರೆ. ಕಲಬುರ್ಗಿ (ಗುಲಬುರ್ಗಾ)ಯಲ್ಲಿರುವ ಗದ್ದಗಿಮಠವು ಹೈದರಾಬಾದ ಪ್ರಾಂತದಲ್ಲಿ ಬಹು ಪ್ರಸಿದ್ಧವಾದ ವಿರಕ್ತಪೀಠ.
ಇದರ ಅನೇಕ ಶಾಖಾಮಠಗಳಿವೆ. ಹುಬ್ಬಳ್ಳಿಯಲ್ಲಿಯೂ ಒಂದು ಭವ್ಯವಾದ ಶಾಖಾಮಠವಿದೆ. ಈ ಮಠವು ಸು ೨೫೦ ವರ್ಷಗಳ ಹಿಂದೆ ಶ್ರೀ ರೇವಣಸಿದ್ಧ ಸ್ವಾಮಿಗಳೆಂಬ ಶಿವಾನುಭವಿಗಳಿಂದ ಸ್ಥಾಪಿತವಾಯಿತು.
ಈ ಪೀಠದ ಪರಂಪರೆಯಲ್ಲಿ ಅನೇಕ ಸ್ವಾಮಿಗಳು ತಪಸ್ವಿಗಳೂ ಶಿವಾನುಭವಿಗಳೂ ಆಗಿದ್ದಾರೆ. ಅವರಲ್ಲಿ ಲಿಂ. ಶ್ರೀ ಚರಲಿಂಗ ಸ್ವಾಮಿಗಳೂ ಒಬ್ಬರು. ಅವರು ಮಲ್ಲನಕೆರೆಯ ಶ್ರೀ ಚೆನ್ನಬಸವ ಸ್ವಾಮಿಗಳಲ್ಲಿ ಶಿವಾನುಭವ ಶಾಸ್ತ್ರವನ್ನು ಸಂಪಾದಿಸಿದ್ದರು.
ಧಾರ್ಮಿಕ ವೃತ್ತಿಯಿಂದ ಜನಾನುರಾಗಿಗಳಾಗಿದ್ದರು. ಅವರ ನಂತರ ಶ್ರೀ ಶಿವಮೂರ್ತಿ ಸ್ವಾಮಿಗಳವರು ಈ ಮಠದ ಅಧಿಪತಿಗಳಾಗಿ ತಮ್ಮ ಪೀಠದ ಘನವಾದ ಪರಂಪರೆಯನ್ನು ರಕ್ಷಿಸಿಕೊಂಡು ಬಂದಿದ್ದಾರೆ. ಅವರು ಅನುಭವಿಗಳು ಮತ್ತು ಸರಳ ಜೀವಿಗಳು.
ಶಿವಯೋಗ ಮಂದಿರದ ಟ್ರಸ್ಟಿಗಳಾಗಿ ಸಂಸ್ಥೆಯ ಏಳೆಗೆ ಶ್ರಮಿಸಿದ್ದಾರೆ.